હિદાયત

 

بِسْمِ اللهِ الرَّحْمٰنِ الرَّحِيْمِ

ઝિક્ર કરવા આજ આવ્યા છે અહી આ સ્થાનમાં

ને વળી એવા મુબારક માહ આ શાબાનમાં

 

મજમો આ મહેફિલનો જન્નતનો બગીચો થઈ જશે

કરીએ ચાલો ઝિક્ર ઔલાદે અલીની શાનમાં

 

સાંભળી સલમાન પણ ઝૂમી ઉઠ્યા આ ઝિક્રને

નારએ હૈદર લગાવે છે એ આવી તાનમાં

 

છે મને વિશ્વાસ કે એ લઈ જશે મહદી સુધી

જાફરી રહેબર રહે છે જેઓ હિન્દુસ્તાનમાં

 

નફસને તું માર છોડી દે વ્યસન,માની લે વાત

બારમો પણ નય મળે રહેવાનો તું નુકશાનમાં

 

જામ અલીના ઇશ્કનો પી બેવ ભવ સુધરી જશે

શી મઝા આવે તને બીડી મસાલા પાનમાં

 

હૈદરી એક માર નારો જોશ પૈદા કર જરા

બેઠા ખુદ સલમાન મીસમને કહે છે કાનમાં

 

પીરે કંઈ એવી વિલાયતની મદિરા પાઈ છે

ભલભલા આવી ગયા એ પીને અહીંયા ભાનમાં

 

ઝિક્રના સદકે દુઆઓ માંગજો અય મોમિનો

કે ખુદા દે ગાદી વારસ જાફરી ઉદ્યાનમાં

(2)

દેખાદેખી કરવાના આ ખેલ તમાશા છોડી દે

પીરની છાયામાં રહીજા પરદેશની ઈચ્છા છોડી દે

 

બાપ છે રૂહાની એ તારો સઘળી રાખે છે ચિંતા

આવ વતનમાં વીરા તું રોઝીની ચિંતા છોડી દે

 

ઇશ્કે અલીનો જામ પીધા કર તકવાનો પોશાક પહેર

બીડી સીગરેટ ગુટખા તારા પાન મસાલા છોડી દે

 

હર એક મોમિન ભાઈની સાથે રાખ સબંધો માયાળુ

નેકી કર હર એકની સાથે કાવા દાવા છોડી દે

 

માની લે જે પીરના હુકમો કરજે અમલ તું જીવનમાં

નહિતર એવું થાય નહીં કે તુજને બાવા છોડી દે

 

ધ્યાન ધરીને દીનની ઉપર ચાલ તું હકના રસ્તા પર

પાછળ પાછળ આવશે દુનિયા જો તું દુનિયા છોડી દે

ફઝ્લ શબ્બીરનો થઈ રહ્યો છે

 

بِسْمِ اللهِ الرَّحْمٰنِ الرَّحِيْمِ

ત્રીજી શાબાનનો છે આ અવસર, ફઝ્લ શબ્બીરનો થઈ રહ્યો છે

રહેમતો આજ વરસે છે ઝરમર, ફઝ્લ શબ્બીરનો થઈ રહ્યો છે.

 

લોહનું એ લખેલું બદલશે, સૌની એ માંગણી પૂરી કરશે?

કરશે રોશન એ સૌના મુકદ્દર, ફઝ્લ શબ્બીરનો થઈ રહ્યો છે

 

વેદના ને વ્યથાઓ ટળી છે, આજ ફિતરુસને પાંખો મળી છે,

ખુશ થઈને ઊડે છે ગગન પર, ફઝ્લ શબ્બીરનો થઈ રહ્યો છે.

 

કામ જેના થકી ચલાતા'તા, ફેંસલા અર્શ પર જે થતા'તા,

લાગશે આજથી અહીંયા દફ્તર, ફઝ્લ શબ્બીરનો થઈ રહ્યો છે.

 

કોઈ આવે છે દરજી થઈને, જાય છે રોટીઓ કોઈ લઈને,

એના ઘ્વારે છે હર એક ગદાગર, ફઝ્લ શબ્બીરનો થઈ રહ્યો છે.

 

ખાય છે જે નિરંતર જમાનો, છે આ સરવરના અસ્ગરનો સદકો,

લીલાં નજરે પડે છે જે ખેતર, ફઝ્લ શબ્બીરનો થઈ રહ્યો છે.

દુઃખ જીવનમાં ભલે લાખ આવ્યા, પાઠ કરબલના છે યાદ રાખ્યા,

સબ્રનું કામ આવ્યું છે ભણતર, ફઝ્લ શબ્બીરનો થઈ રહ્યો છે.

 

કાળો ધોળો તફાવત મિટાવ્યો, શાહે એને ગળેથી લગાવ્યો,

જ્હોન પણ થઈ ગયો કેવો સુંદર, ફઝ્લ શબ્બીરનો થઈ રહ્યો છે.

 

હુરની સઘળી ખતાઓ મટી ગઈ, શેહની કેવી દુઆઓ મળી ગઈ,

માનો બાંધે છે  રૂમાલ સર પર  ફઝ્લ શબ્બીરનો થઈ રહ્યો છે

 

જાફરી નૂરના એ સહારે, પહોંચ્યા કાશીથી કૌસર કિનારે,

ખુશનસીબે મળ્યા છે જે રહેબર, ફઝ્લ શબ્બીરનો થઈ રહ્યો છે.

ઔલિયા અંબિયા પણ ઊભા છે, સૌ ફરિશ્તાઓ ભેગા થયા છે,

કરબલાના અજબ જોયા મંઝર, ફઝ્લ શબ્બીરનો થઈ રહ્યો છે.

 

મેળવી છે જે ઇજ્જત કલીમે, આપી છે કરબલાના કરીમે,

ફિક્ર પર શાયરી પર કલમ પર,  ફઝ્લ શબ્બીરનો થઈ થઈ રહ્યો છે.

 

કલામ : મોમિન ખાદિમહુસૈન 'કલીમ' વલેટવા

અક્બર

 

بِسْمِ اللهِ الرَّحْمٰنِ الرَّحِيْمِ

 

શું કરું તારી હું સના અક્બર

તું છે નખશિખ મુસ્તફા અક્બર

 

તારા એવા છે મર્તબા અક્બર

કોઈ તારી ન લે જગા અક્બર

 

શેહને નાનાની દીદ કરવી'તી

અક્બરે તમને મોકલ્યા અક્બર

 

જોઈ સૂરજની આંખ અંજાઈ

જ્યારે ખૈમાથી નીકળ્યા અક્બર

 

જ્યારથી તેં અઝાન આપી છે

રહી ગઈ છે સદા સદા અક્બર 

 

ફોઈ ઝૈનબના દિલનો ટુકડો ને

ઉમ્મે લૈલાના દિલરુબા અક્બર

 

તારા નામે છે એનો દસ્તાવેજ

મુજને બોલાવ કરબલા અક્બર

 

તારા સદકે અમારા રહેબરને

એક દીકરો તું કર અતા અક્બર

 

દાદ આપે છે દાદા જોઈને જંગ

મરહબા બેટા મરહબા અક્બર

 

માતમી હાથ છાતી પર રાખી

આહ નાખે છે, "બેખતા અક્બર"

 

હાથ જોડી 'કલીમ' વિનવે છે

આપ તું દુખમાં હોંસલા અક્બર

તેગ હુસૈની ચાલી રહી છે

بِسْمِ اللهِ الرَّحْمٰنِ الرَّحِيْمِ

 

મહેશરનો એક શોર છે બર્પાં, તેગ હુસૈની ચાલી રહી છે,

રણમાં છે લાશોના ઢગલા, તેગ હુસૈની ચાલી રહી છે..૧

 

એવી ઝડપથી વાર કરે છે, ચારે તરફ બસ ધૂળ ઉડે છે,

મળતા નથી ફોજોને રસ્તા, તેગ હુસૈની ચાલી રહી છે..૨

 

ફટકા એવા તેગ કરે છે, કુફફારો બેમોત મરે છે,

એક જ વારે છે બે કટકા, તેગ હુસૈની ચાલી રહી છે..૩

 

અરબસ્તાની ઘોડા થઈને, ખુદના ઘોડા ભૂલી જઈને,

દોટ મૂકે છે થઈને ભેગા, તેગ હુસૈની ચાલી રહી છે..૪

 

ઘર બાજુના રસ્તા શોધે, આજ ચઢ્યા હર કોઈ ગોથે,

ભાન ભૂલ્યા છે ફોજના ટોળાં, તેગ હુસૈની ચાલી રહી છે..૫

 

ગણવામાં પણ ભૂલ પડે છે, વીસ ગણે ત્યાં ત્રીસ પડે છે,

આજ મલેકુલ મોત છે થાક્યા, તેગ હુસૈની ચાલી રહી છે..૬

 

આજે ગણિત જુદું જ બને છે , જેવા વધે છે એવા ઘટે છે,

દરિયા કિનારે ફોજના પહેરા, તેગ હુસૈની ચાલી રહી છે..૭

 

કોઈ ન આવે લડવા સામે, એક બીજાને ધક્કા મારે,

હોશ છે સૌના હક્કા બક્કા  તેગ હુસૈની ચાલી રહી છે..૮

 

દુશ્મને હકનું લશ્કર ખાધું, દોઝખનું પણ પેટ ભરાયું,

આગના ઊઠયા ભડકે ભડકા, તેગ હુસૈની ચાલી રહી છે..૯

 

જીવનની સૌ મોજ બગાડી, પગ પર જાતે મારી કુહાડી

મોત હસે છે ઊભા ઊભા, તેગ હુસૈની ચાલી રહી છે..૧૦

 

કોઈએ ગભરામણમાં આવી, તેગના બદલે મ્યાન ઉઠાવી,

તીર ને ભાલા હાથથી છૂટ્યા, તેગ હુસૈની ચાલી રહી છે..૧૧

 

કળ પણ આજે કામ ન આવ્યું બળ પણ આજે કામ ન આવ્યું

ખોટી પડી લ્યો કહેવત સુદ્ધા, તેગ હુસૈની ચાલી રહી છે..૧૨

 

ફોજોની ફોજો ને ભાગાડે, હૈદર માફક સૌને પછાડે,

જાફર જિન પણ જોઈ પુકાર્યા, તેગ હુસૈની ચાલી રહી છે.૧૩

 

તેગનો છે તરખાટ તડા તડ, ધડ પટકાયા આજ ધડા ધડ,

થાયય છે સર સર સરની વર્ષા, તેગ હુસૈની ચાલી રહી છે.૧૪

 

ઊંડા ઊંડા શ્વાસ ભરે છે, ખૈબરને કોઈ યાદ કરે છે,

આંખ છે ફાટી જોઈ નઝારા, તેગ હૂસૈની ચાલી રહી છે..૧૫

 

બેધારી આ તેગ ગજબ છે, વીજળી જેવો વેગ ગજબ છે,

રજકણ કીધા રક્તથી રાતા, તેગ હુસૈની ચાલી રહી છે..૧૬

 

સાદના ખોટા વાદ લઈને, આવ્યા'તા જે મર્દ થઈને

પીઠ બતાવી દુશ્મન ભાગ્યા, તેગ હુસૈની ચાલી રહી છે..૧૭

 

સઘળા છૂટ્યા આજ સબંધો, થાય જુદા હર કોઈના અંગો

રૂહે લીધા છુટ્ટા છેડા, તેગ હુસૈની ચાલી રહી છે..૧૮

 

શિમ્ર કહે છે કત્લ કરી દો, પ્યાદા કે'છે જાતે લઢી જો,

આદેશો ના આપ તું ખોટા, તેગ હુસૈની ચાલી રહી  છે..૧૯

 

જોઈ રહ્યા છે બેઉ ઊડીને,આપસમાં આ વાત સુણીને,

ફિતરસ ને જિબ્રીલ કહે આ, તેગ હુસૈની ચાલી રહી છે..૨૦

 

તેગો ભાલા બખ્તર ખંજર, ઘોડા પ્યાદા સૌ છૂમંતર

કુફ્રના આજે હાલ છે બગડ્યા, તેગ હુસૈની ચાલી રહી છે..૨૧

 

જે પણ આવ્યા તેગ ઉઠાવી, એક જ એવી ઝર્બ લગાવી,

પહોંચે છે દોઝ્ખમાં સીધા, તેગ હુસૈની ચાલી રહી છે..૨૨

 

મોત કહે છે ભાગ ફટાફટ, થઈ જાએ મેદાન સફાચટ

રણમાં પડ્યા છે જીવના ફાંફા, તેગ હુસૈની ચાલી રહી છે.૨૩

 

તેગથી ટકરાયે છે જે પણ, થઈને પડે છે વેરણ છેરણ

બખ્તરના પણ થાય છે ભુક્કા, તેગ હુસૈની ચાલી રહી છે..૨૪

 

હૈદરની શમશશીરને જોઈ, લડવા ના તૈયાર છે કોઈ,

સાદને માટે દુઃખના દાહડા, તેગ હુસૈની ચાલી રહી છે..૨૫

 

મોતની આજે આગ ઝરે છે, પત્તા માફક શીશ ખરે છે,

થથરી રહ્યું છે શામ ને કૂફા, તેગ હુસૈની ચાલી રહી..૨૬

 

સૌના માથે મોત ભમે છે, માલના બદલે મોત મળે છે,

ઊંધા પડે છે સઘળા પાસા, તેગ હુસૈની ચાલી રહી છે..૨૭

 

ના એ કદી ખામોશ રહે છે, ખુલ્લા એના હોઠ રહે છે

બોલે છે બસ મોતની ભાષા, તેગ હુસૈની ચાલી રહી છે.૨૮

 

તેજ હતી તલવારની બોલી, ખોલીએ પણ આંખ ન ખોલી,

આજ છે હુમ્લા ફોજના મૂંગા, તેગ હુસૈની ચાલી રહી છે.૨૯

 

જોઈને શેહની આંખની લાલી, જોઈને તેવર શેહના જલાલી

સાદના ખાલી થાય છે ખૈમા, તેગ હુસૈની ચાલી રહી છે.૩૦

 

સૌના માથે મોત ભમે છે, માલના બદલે મોત મળે છે,

પડી રહ્યા છે ઉંધા પાસા, તેગ હુસૈની ચાલી રહી છે.૩૧

 

વાત 'કલીમે' જે પણ કીધી, દાદ નજફના શાહે દીધી,

શબ્દ કલમ કાગળ પણ બોલ્યા, તેગ હુસૈની ચાલી રહી છે.૩૨