કર મદદ

بِسْمِ اللّٰهِ الرَّحْمٰنِ الرَّحِيْمِ

અય સૈયદો સરદાર મદદગાર કર મદદ,

જીવનમાં આફતોની છે વણઝાર કર મદદ.

તારા સિવાય કોણ જે આપે મદદ મને,

કેવળ સહારો તુંજ તું આધાર કર મદદ.

મુશ્કિલમાં તારું નામ સદા હોઠ પર રહે,

તું મુશ્કિલોનો  દૂર છે કરનાર કર મદદ.

ઘેરી વળે છે રાત દિવસ ગમ મુસીબતો,

તારી રહેમનો કોઈ ના વિસ્તાર કર મદદ.

આફત,નિરાશા, દર્દ,ઉદાસી ને મુફલિસી,

ઘનઘોર ચોતરફ છે બસ અંધાર કર મદદ.

છૂટી રહ્યો છે સબ્રનો દામન આ હાથથી,

મુશ્કેલીઓની આવી છે વણઝાર કર મદદ.

દુઃખ દઈ રહી છે દુનિયા પળે પળ મને ખુદા,

તારો જ એક છે મને સહકાર કર મદદ.

તું ચાહે તો પળમાં જ મુસીબતનો હલ મળે,

રબ્બે કરીમ અય સખી સરકાર કર મદદ.

જીવન છે ઝેર જેવું  ને કપરાં ચઢાણ છે,

છે રંજ દર્દના અહીં અંબાર કર મદદ.

સહેલાઇથી આ જીંદગી જીવી શકે "કલીમ",

દે સબ્ર શુક્રના મને હથિયાર કર મદદ.

મોમિન ખાદિમહુસૈન "કલીમ" વલેટવા.

તેરા દરબાર યા મૌલા

بِسْمِ اللّٰهِ الرَّحْمٰنِ الرَّحِيْمِ

 

યાદ આતા હૈ તેરા દરબાર, તેરા દરબાર યા મૌલા*

મૈં બનું મૌલા તેરા ઝવ્વાર, તેરા ઝવ્વાર યા મૌલા.

હૈ દુઆ દિલસે યહી તેરે સફર કે વાસ્તે

મૈં મિલું આ કર તુજે ખુલ જાએ સારે રાસ્તે

દુર તુજસે હૈ તેરા બિમાર તેરા બીમાર યા મૌલા.

કરબલાઈ દિલ હો સબકે બર ઝબાં લબ્બેક હો

હૈ દુઆ અલ્લાહસે યે સારે મુસ્લિમ એક હો..

હો મોહિબ સારા તેરા સંસાર..તેરા સંસાર યા મૌલા.

કરબલા જલ્દી બુલાલે અય મેરે માલિક હુસૈન

કબ તલક તુજસે રહેગા દૂર યે આશિક હુસૈન.

વિર્દ હૈ લબ પર યહી હર બાર યહી હર બાર યા મૌલા

તેરે નાના કી ઝિયારત કા મિલે મુજકો શરફ

ફિર મદીને સે કદમ મેરે બઢે તેરી તરફ.

હો અતા મુજકો તેરા દીદાર, તેરા દીદાર યા મૌલા.

કાતીબે તકદીર ભર મેરે મુકદ્દરકી દરાર

તેરે દર કો ચૂમકર આયે મેરે દિલકો કરાર

કર કરમ મુજપર મેરે સરકાર મેરે સરકાર યા મૌલા.

સામને મેરે હો સક્કા એ સકીનાકા મઝાર

જિંદગી કુરબાન મેરી બાવફા પે બારબાર

હૈ બડા આજીજ તેરા ગમખ્વાર તેરા ગમખ્વાર યા મૌલા.

સાકીયા મેરે મૈં તેરી મારફત પાતા રહું,

અલકમા કો આબે કૌસર કી તરહ પીતા રહું,

તશ્નલબ હૈ યે તેરા મયખ્વાર તેરા મયખ્વાર યા મૌલા.

જો તેરે દર કે ગદા હૈં કરબલા ઉનકો બુલા

યે દુઆ "મોહસીન" કે લબ પર હૈ "ક્લીમે કરબલા"

વો હંસી દેખે તેરા દરબાર તેરા દરબાર યા મૌલા.

                      * ઇસ્તેફાદા મિસરા : મીર તકલ્લુમ
                                   ખાદિમહુસૈન “કલીમ” મોમિન- વલેટવા

અઝાદારની અરજ

بِسْمِ اللّٰهِ الرَّحْمٰنِ الرَّحِيْمِ

અઝાદારની અરજ

સૌ મોમિનો હુસૈની, ફર્શે અઝા બિછાવે,

સૌની દુઆ છે મૌલા તું બર મુરાદ લાવે.

મૌસમ મોહર્રમી છે મૌસમ અઝાની આવી,

ચારે તરફ વબા છે, છે મૌત ને  તબાહી.

શેહના ગુલામને ના ચિંતા કે ગમ સતાવે..૧

ધડકન કરાર પામે ને દિલનું ચૈન બોલે,

સરવરના અઝાખાને સૌ યા હુસૈન બોલે.

ગાજી કરમ તું કર કે તારો અલમ ઉઠાવે..૨

દુનિયામાં આજ ફેલી બીમારીઓ બલા છે,

શબ્બીર તારો ગમ તો  હર દર્દની દવા છે.

માં ફાતેમાના સદકે માતમ હર એક મનાવે..૩

યા રબ તને દુઆ છે અસગરના વાસ્તાથી,

મહેફુઝ બાળકો હો મુશ્કિલથી હર બલાથી.

હસતા રહે એ ફૂલો, ક્યારેય ખીઝાં ન આવે..૪

જન્નતની વાનગીઓ એની જગાએ છે પણ

એણે નથી કર્યું કઈ મોમિનના દિલનું પોષણ

શબ્બીરની તબર્રુક દિલને અમારા ભાવે..૫

રાહિબ હો હુર કે ફિતરુસ મોમિન હો કે ગુનેગાર

નબીઓ હો કે મલક હો, છે સૌની એક ગુફ્તાર

તારી જ વહેંચણીમાં અમને હુસૈન ફાવે..૬

રાખી છે તેં શિફાને બીમારી કરતા આગળ

બીવડાવી શું શકે છે મુશ્કિલનું વધતું વાવળ

અલ્લાહ તારી રહમત અમને સદા બચાવે..૭

તેં લોહના લખાણો તારી રીતે લખાવ્યા

તેં સાત સાત ઝૂલા રાહિબને ત્યાં ઝૂલાવ્યા

હર લાવલદની આશા, ઓલાદ તું અપાવે..૮

ઝયનબનો વાસ્તો છે સર પર સદા હો ચાદર

બહેનોથી ના કદી પણ અડગા રહે બિરાદર

ભાઈ બને જો દુલ્હો સહેરો બહેન સજાવે..૯

અબ્બાસનો કરમ હો છત પર અલમ સજાવે,

મજલીસ બપા હો ઘરમાં સૌ પંજેતનને પામે

હાજત હો પુરી સૌની ઈમાન રંગ લાવે..૧૦

મજલૂમ માતમીનો શબ્બીર તું સહારો

તુફાનમાં છે નૌકા મળતો નથી કિનારો

મઝધારમાં છે નૌકા બસ પાર તું લગાવે..૧૧

હર એક દર્દ ગમની સૌને દવા મળે છે.

અબ્બાસના અલમની જ્યારે હવા મળે છે.

પરચમના તારા સાયે સૌ જિંદગી વિતાવે..૧૨

અકબરની રાહ જોતા થાકી ગઈ છે સુઘરા

હર રોજ યાદ કરતી, રડતી રહી છે સુઘરા.

શું થઈ ગયું કે ભાઈ લેવા ન કેમ આવે ?..૧૩

માસૂમ શાહજાદી એ લાડલી સકીના,

જાલિમની કેદમાંથી જેને રજા મળી ના.

છે એનો વાસ્તો કે હર કૈદીને છુડાવે..૧૪

ઝહરાની આંખ સામે શબ્બીર સર કપાવે,

મમતા રડે આ જોઈ લોહીના આંસુ સારે

અલ્લાહ કોઈને ના આવા દિવસ બતાવે..૧૫

હૂરના નસીબ જેવું અમને નસીબ દે જે,

ને જૉન જેમ અમને  મૌલા ઉગારી  લે જે.

મહેશરમાં તું શફી થઈ અમને નજાત અપાવે..૧૬

જીવનના કોઈ રસ્તે મુશ્કિલ પડે જો મૌલા,

તારી એ દોસ્તીનો છે વાસ્તો અય આકા,

તારા હબીબ જેવી સૌ દોસ્તી નિભાવે..૧૭

અકબરની નૌજવાની જો દીનને મળી ગઈ,

દીને ખુદાને કાયમ મહેશર સુધી કરી ગઈ.

હર નૌજવાં શહાદત એની નહીં ભુલાવે..૧૮

મૌલા તમારા નૌકરની એક છે તમન્ના

તારા મઝારે આખર હો શ્વાસ જિંદગીના

"જાફર કલીમ"ને પણ તું કરબલા બોલાવે..૧૯

ખાદિમહુસૈન “કલીમ” મોમિન- વલેટવા