રંગત રિઝાની છે

بِسْمِ اللّٰهِ الرَّحْمٰنِ الرَّحِيْمِ 

નુરુલ હુદાનો રંગ છે  રંગત રિઝાની છે,

અઝમત ખુદાની જેમ એ અઝમત રિઝાની છે.

અલવી ચમનમાં આજ ખીલ્યું આઠમું સુમન,

ખુશીઓ મનાઓ આજ વિલાદત રિઝાની છે,

મુશ્કિલની શું મજાલ કે ભેટે મને કદી,

જામીન છે ખુદ ઇમામ હિફાઝત રિઝાની છે.

શું પ્રાણીઓ પશુઓ કે માનવની જાત પર,

ચૌદે ભુવનમાં ચાલે ઇમામત રિઝાની છે.

એની ખિલાફ આવ્યો એ કાફિર બની ગયો,

હકથી મળી છે  સર્વ ખિલાફત રિઝાની છે.

હર ઇલ્મ  ને કમાલમાં અફઝલ છે ઉચ્ચ છે,

શોહરત છે અલવી, અલવી ફઝીલત રિઝાની છે.

હર એક સવાલનો અહીં હાજર જવાબ છે,

દર ઇલ્મનું છે, ઇલ્મ તો દૌલત રિઝાની છે.

કાલીન  પરથી શેર ન આવે? બને નહીં,

હર એક ચીજ પર રહી હૈબત રિઝાની છે.

દાબલ, અબુ નવાસની માફક "કલીમ" પર,

હર દમ કરમ, રહેમ ને ઇનાયત રિઝાની છે.

ખાદિમહુસૈન “કલીમ” મોમિન- વલેટવા