ઈલ્મનું આસમાન છે બાકિર

 

بِسْمِ اللّٰهِ الرَّحْمٰنِ الرَّحِيْمِ

ઈલ્મનું આસમાન છે બાકિર

ને ઇમામતની શાન છે બાકિર.

 

નાના, દાદા, પિતાને પુત્ર ઇમામ

અલવિયતનું નિશાન છે બાકિર.

 

કુન્નીયત એમની અબૂ જાફર,

અઝમતોનું જહાન છે બાકિર.

 

ઇલ્મ એનાથી થઈ ગયું રોશન,

ઇલ્મની આન-બાન છે બાકિર.

 

મુસ્તફા જેવી એની સીરત છે,

ને અલીના સમાન છે બાકિર.

 

ખુદ નબી એને મોકલે છે સલામ,

હક છે, હકનું વિધાન છે બાકિર.

 

મુર્તઝા છે જો આંખ અલ્લાહની,

તો એ આંખોનું ધ્યાન છે બાકિર.

 

દીનને જેણે આપ્યું નવજીવન,

આપનું ખાનદાન છે બાકિર.

 

 

શામ,કુફા છે કરબલા શાહિદ

દુઃખ ભરી દાસ્તાન છે બાકિર.

 

હશ્રમાં બક્ષજો "કલીમ"ને પણ,

આપનો મદહખ્વાન છે બાકિર.

ખાદીમહુસૈન "કલીમ" મોમિન