ગદીર છે ભૈ,

 

بِسْمِ اللّٰهِ الرَّحْمٰنِ الرَّحِيْمِ

સજાવો મહેફિલ અલીના આશિક પઢો કસીદા ગદીર છે ભૈ,

ખુદાના હુક્મે, નબીથી હૈદર, બન્યા છે મૌલા ગદીર છે ભૈ.

 

વિલાની વરસે છે આજ વર્ષા, તવલ્લાથી તરબતર થઈને,

મલંગો મીસમની મ્હોર વાળા ઉઠાઓ પ્યાલા ગદીર છે ભૈ.

 

બિલાલ આપો અઝાન આજે, બુલાવો પાછળ રહ્યા જે હાજી,

બનાવો મિમ્બર, કરીને ભેગા હરેક કઝાવા ગદીર છે ભૈ.

 

અલીના મુન્કિર ઉપર ખુદાનો બસ એક પથરો ને વાત પુરી,

ન અબ્રહા છે, ન તો અબાબીલ, નથી આ કા'બા, ગદીર છે ભૈ.

 

ખુદાની મરજીથી નક્કી થાશે, તમામ આલમ નો એક મૌલા

હટી રહયા છે અલીની અઝમતના આજ પરદા ગદીર છે ભૈ.

 

ખરા બપોરે તળાવ કાંઠે વિલા એ હૈદરનાં જામ પી ને

ખીલી રહ્યા છે ગુલાબ થઇને તમામ ચહેરા ગદીર છે ભૈ.

 

ખુદાની નેઅમત તમામ થઈ ગઈ, કે દીન આજે થયો મુકમ્મલ,

ખુદાની રહેમત કરી રહી છે અલીને ઊંચા ગદીર છે ભૈ.

 

"કલીમ" મોમિન. વલેટવા.

ગદીર શેર

بِسْمِ اللّٰهِ الرَّحْمٰنِ الرَّحِيْمِ

મનકુન્તો કી શરાબ પીલાઈ ગદીરને,
પલમેં ખરીદી ખુલ્દ અલીકે ફકીરને.

હૈદરકો આજ પીર બનાયા હૈ દેખીએ,
દસ્તે ખુદા ઉઠાકે પયમ્બર કે પીરને.

💐💐💐💐💐💐💐💐💐💐💐💐

ખુદાનો લાખ શુક્ર કે ગદીરથી વીલા મળી,
અલી મળ્યા જો દીનને તો દીનને મજા મળી.

હું જેનો મૌલા એનો આ અલીય મૌલા સાંભળો,
ગદીરમાં નબીના હોઠ પર બુલંદતર સદા મળી.

💐💐💐💐💐💐💐💐💐💐💐💐

ચમનમાં છે બહાર ને ખુદાઈ રંગ રંગ છે,
મનાવે ઈદ કિબ્રિયા ગદીરનો પ્રસંગ છે.

ખુદા મળી જશે પછી સિરાત પાર થઈ જશે,
અલીને છે વીલા અગર ગદીરની સુરંગ છે.

"કલીમ" મોમિન.

ગદીરવાળા

بِسْمِ اللّٰهِ الرَّحْمٰنِ الرَّحِيْمِ

શરાબે મનકુન્તો પીને આજે ઝૂમી રહ્યા છે ગદીરવાળા,

અલી વલીના કસીદા દિલથી પઢી રહ્યા છે ગદીરવાળા.

સજાવે મિમ્બર અલીના માટે નબી કઝાવા કરીને ભેગા,

કે હક રિસાલતનો પૂર્ણ આજે કરી રહ્યા છે ગદીરવાળા.

ખુદાનું ફરમાન જે થયું'તું બસ એજ બલ્લીગની વાત હક છે,

અમારા મૌલા, વસી અમારા વલી રહ્યા છે ગદીરવાળા.

અહીંજ કૌસર, છે મન્નો સલવા, ખુદાની નેઅમત થઈ છે નાઝીલ,

વિલાયતી જામ પીને આજે જમી રહ્યા છે ગદીરવાળા.

નબી પયમ્બર મલક ને મુર્સલ બધાય હાજર ખુદાય હાજર,

અમીરે મોમિનને સૌ મુબારક કહી રહ્યા છે ગદીરવાળા.

છે ઇદે અકબર ખુશીનો અવસર બધાના ચેહરા ખીલી રહ્યા છે,

સજાવી મહેફિલ  હસી હસીને મળી રહ્યા છે ગદીરવાળા.

ખુદાય ખુશ છે, નબીય ખુશ છે છે મસ્ત હૈદરના આશીકો પણ,

કે જેણે પામી વીલા અલીની સુખી રહ્યા છે ગદીરવાળા.

મળ્યો છે મૌલા ગદીરવાળો  "કલીમ" અમને કશી ન ચિંતા,

કે જાતે તકદીરના લખાણો લખી રહ્યા છે ગદીરવાળા.

મોમિન ખાદિમહુસૈન "કલીમ" વલેટવા.

ગદીર ચાલો

بِسْمِ اللّٰهِ الرَّحْمٰنِ الرَّحِيْمِ

ભરીને દિલમાં અલીની ઉલ્ફત ચલો મુસાફર ગદીર ચાલો

નબીના હુકમોને સર ચઢાવા નબીના નૌકર ગદીર ચાલો

છે ધોમધગતો ભલેને તડકો અનેરો અવસર છે આજ હકનો

કે આવી આબોહવામાં ઠંડક કરે દિવાકર ગદીર ચાલો.

હું જેનો મૌલા છું એનો મૌલા છે આજથી આ અલી ય મૌલા

કરે છે એલાન હકનું આજે નબી પયમ્બર ગદીર ચાલો.

મુદિત મસ્તાન આંખ મીંચી વિલાએ હૈદરનો જામ ઢીંચી

ખુમાર રગરગમાં કંબરી લઈ પીવાને કૌસર ગદીર ચાલો.

કઝાવા લીધા છે હાજીઓના કે કોઈ હતપત કરી શકે ના,

સજાવ્યો છે ખુદ નબીએ સુંદર અનોખો મિમ્બર ગદીર ચાલો.

કસીદા મિસમ પઢી રહ્યા છે ને આશીકો સૌ ઝૂમી રહ્યા છે,

ખુદાઈ રહેમતની થઈ રહી છે અનેરી ઝરમર ગદીર ચાલો.

ખુદાનું ફરમાન છે નબીને કે સોંપેલું કામ પૂરું કર તું,

મનાવો ખુશીઓ છે આજ મોટો ખુદાનો અવસર ગદીર ચાલો.

ખુદાની નેઅમત તમામ થઈ ગઈ ને દીન સંપૂર્ણ થઈ ગયો છે,

કે આજ મૌલા બની રહ્યા છે ઇમામ હૈદર ગદીર ચાલો.

જબાન મિસમની જેમ રાખી બની કલંદર બની શરાબી,

"કલીમ" છલકાવવાને આજે સનાના સાગર ગદીર ચાલો.

મોમિન ખાદિમહુસૈન "કલીમ" વલેટવા