કરી શકે

દિલની મુરાદને જે મુકદ્દર કરી શકે

ઝહરાનો લાલ, સિબ્તે પયંબર કરી શકે

કાંધે ચઢી નબીના બુતો તોડી કાઢ્યા બ્હાર 

માલિક છે ગમ્મે ત્યારે એ બાહર કરી શકે

છ માસનો એ બાળ ન ચાલી શકે ભલે

ઇસ્લામને પરંતુ એ પગભર કરી શકે

બોલી શકે છે નેજા ઉપર એ જ હકની વાત

એક રાતમાં જ હુરને જે હક પર કરી શકે

અબ્બાસ માટે કામ છે એ ડાબા હાથનું

જે કામ ચાર લાખનું લશ્કર કરી શકે

છે મુફલિસી "કલીમ" તું વિશ્વાસ રાખજે

હૈદર તનેય એક દિ સધ્ધર કરી શકે